കോഴിക്കോട്: അട്ടപ്പാടി മഞ്ചിക്കണ്ടി ഏറ്റുമുട്ടലിന്റെ പൊലിസ് പുറത്തുവിട്ട വീഡിയോ ദൃശ്യങ്ങള്‍ വ്യാജമെന്ന് സി.പി.ഐ. സ്ഥലത്ത് ഏറ്റുമുട്ടല്‍ നടന്നതായി ആര്‍ക്കും വിശ്വസിക്കാനാകില്ല. പൊലിസ് ദൃശ്യങ്ങള്‍ കൃത്രിമമായി സൃഷ്ടിച്ചതാണെന്നും സി.പി.ഐ നേതാവ് കെ. പ്രകാശ് ബാബു പറഞ്ഞു.

മാവോയിസ്റ്റായ മണിവാസകത്തെ കസ്റ്റഡിയിലെടുത്തതിന് ശേഷമാണ് പൊലിസ് വെടിവെച്ചുകൊന്നതെന്നും പൊലിസ് ഇന്ന് പുറത്തുവിട്ട ദൃശ്യങ്ങള്‍ കൃത്രിമമായി നിര്‍മിക്കപ്പെട്ടതാണെന്നും സി.പി.ഐ ആരോപിച്ചു. മൂന്ന് മാവോയിസ്റ്റുകളെ വെടിവെച്ചു കൊന്ന ദിവസം തന്നെ മണിവാസകത്തെ കസ്റ്റഡിയിലെടുത്തിരുന്നു. പിറ്റേ ദിവസം മണിവാസകത്തെ കാട്ടിലെത്തിച്ച് വെടിവെച്ചു കൊല്ലുകയായിരുന്നുവെന്നും അദ്ദേഹം പറഞ്ഞു.

സര്‍ക്കാരിനെയടക്കം പോലീസ് തെറ്റിദ്ധരിപ്പിക്കുകയാണ്. പോലിസ് റിപ്പോര്‍ട്ടിന്റെ അടിസ്ഥാനത്തിലാണ് ഏറ്റുമുട്ടലാണെന്ന് മുഖ്യമന്ത്രി പറയാനാടിയാക്കിയതെന്നും പ്രകാശ് ബാബു പറഞ്ഞു.