ദമാം: ജുബൈലിലെ പ്രമുഖ ഫുട്ബോൾ ക്ലബ്ബിന്റെ കീഴിൽ ഉള്ള സോക്കർ അക്കാദമിയുടെ ഫുട്ബോൾ പരിശീലന ക്യാമ്പിന് ഇന്ത്യൻ എംബസി സ്കൂൾ പ്രിൻസിപ്പാൾ ഡോ: നൗഷാദ് അലി കിക്ക് ഓഫ്‌ കർമ്മം നിർവഹിച്ചു. പ്രവാസി വിദ്യാർത്ഥികൾക്ക് ഫുട്ബോൾ കളിയുടെ ടെക്നിക്കൽ വിദ്യഭ്യാസവും, ഫിറ്റ്നസ്സോടെയും പ്രൊഫഷണൽ ആയും കളിക്കാൻ കഴിയുന്ന പരിശീലനം നൽകുകയാണ് ലക്ഷ്യം. ഫുട്ബോൾ പ്ലെയറും ഇന്ത്യയിലെ വിവിധ ക്ലബ്ബുകളിൽ കളിച്ചും കോച്ചിംഗ് നൽകിയും പരിചയസമ്പന്നനായ ജുബൈൽ എഫ്.സി യുടെ കോച്ച് മുഹമ്മദ് ഷിഫാറത്തിന്റെ നേതൃത്വത്തിൽ ജുബൈൽ എഫ്.സി യുടെ മറ്റ് മികച്ച പരിശീലനം ലഭിച്ച കളിക്കാരുടെയും നേതൃത്വത്തിൽ നടത്തപ്പെടുന്ന ക്യാമ്പ് എല്ലാ വെള്ളിയാഴ്ചയും രാവിലെ നടക്കും.  ആറ്‌ മുതൽ പതിനാറ് വയസ്സ് വരെയുള്ള ആൺ കുട്ടികൾക്കാണ് പ്രവേശനം, ജുബൈലിലെ പ്രവാസി സമൂഹത്തിൽ നിന്ന് മികച്ച പ്രതികരണം ആണ് ക്യാമ്പിന് ലഭിച്ചത്. 

 

     കിക്ക് ഓഫ്‌ ദിനത്തിലെ പരിശീലനങ്ങൾക്ക് ജുബൈൽ എഫ്.സി യുടെ അനസ് വയനാട്,  ജാനിഷ്, ഇല്യാസ് മുല്യകുറുശ്ശി,  സലാം മഞ്ചേരി, മുസ്തഫ,  വിപിൻ നിലമ്പൂർ, സുഹൈൽ,  ജലീൽ മങ്കട, ഷാഫി പട്ടാമ്പി, ബാസിൽ,  അജിൻ എന്നിവർ നേതൃത്വം നൽകി. പരിശീലന ക്യാമ്പിൽ ചേർന്ന വിദ്യാർത്ഥികളുടെ രക്ഷിതാക്കളും,  കൂടാതെ ജുവയുടെ ചെയർമാൻ നൂഹ് പാപ്പിനിശ്ശേരിയും ചടങ്ങിൽ പങ്കെടുത്തു. ജുബൈലിലെ ഫിഫ ടർഫ്  ഗ്രൗണ്ടിൽ വെച്ചാണ് ക്യാമ്പ് നടക്കുന്നതെന്ന് സംഘാടകർ അറിയിച്ചു.