കൊടുവള്ളി: കൊടുവള്ളി സ്വദേശികള്‍ ഉള്‍പ്പെട്ട സ്വര്‍ണക്കടത്ത് കേസില്‍ ഡി.ആര്‍.ഐ പുനരന്വേഷണം നടത്തണമെന്ന് മുസ്‌ലിം ലീഗ് നഗരസഭാ കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു.
50 ലക്ഷം രൂപ നല്‍കിയാണ് എല്‍.ഡി.എഫ് കൗണ്‍സിലറടക്കമുള്ള രണ്ടണ്ടു പേര്‍ കേസില്‍നിന്ന് ഒഴിവായത് എന്നാണ് പുതിയ വെളിപ്പെടുത്തലുണ്ടണ്ടായിരിക്കുന്നത്. കേസില്‍ ഇടത് എം.എല്‍.എമാരുടെ ഇടപെടലും അവരുടെ സ്വത്ത് സംബന്ധിച്ചുമുള്ള കാര്യങ്ങളും അന്വേഷണത്തില്‍ ഉള്‍പ്പെടുത്തണം.
വിവാദ വെളിപ്പെടുത്തലുകള്‍ സംബന്ധിച്ച് സി.പി.എം നിലപാട് വ്യക്തമാക്കണമെന്നും മുസ്‌ലിം ലീഗ് ആവശ്യപ്പെട്ടു. ആരോപണമുന്നയിച്ചവര്‍ പൊതുസമൂഹത്തിനു മുന്നില്‍ തെളിവുകള്‍ ഹാജരാക്കാന്‍ തയാറാകണം. വിവാദ ആരോപണമുന്നയിച്ചയാള്‍ ലീഗ് നേതാക്കള്‍ക്കെതിരേ നടത്തിയ ആരോപണങ്ങളും അന്വേഷണ പരിധിയില്‍ ഉള്‍പ്പെടുത്തണമെന്നും ഭാരവാഹികള്‍ ആവശ്യപ്പെട്ടു.
വാര്‍ത്താസമ്മേളനത്തില്‍ പ്രസിഡന്റ് വി.കെ അബ്ദു ഹാജി, ജനറല്‍ സെക്രട്ടറി കെ.കെ.എ ഖാദര്‍, അലി മാനിപുരം, എടക്കണ്ടണ്ടി നാസര്‍, ടി.പി നാസര്‍, ഷംസുദ്ദീന്‍ കളത്തിങ്ങല്‍, കെ.സി മുഹമ്മദ് എന്നിവര്‍ പങ്കെടുത്തു.