കൊല്ലം: ഹരിതകേരളം മിഷന്റെ ഭാഗമായി മാലിന്യത്തില്‍നിന്നും സ്വാതന്ത്ര്യം സമഗ്ര ശുചിത്വ പദ്ധതിയുടെ പരിശീലനം അഞ്ചല്‍ ബ്ലോക്ക് പഞ്ചായത്ത് ഹാളില്‍ നടന്നു.
ബ്ലോക്ക് പഞ്ചയാത്ത് വൈസ് പ്രസിഡന്റ് പി.ആര്‍ ബാലചന്ദ്രന്‍ ഉദ്ഘാടനം ചെയ്തു. ക്ഷേമകാര്യ സ്റ്റാന്റിങ് കമ്മറ്റി ചെയര്‍മാന്‍ ജി. ശ്രീധരന്‍പിള്ള അധ്യക്ഷനായി.
സ്റ്റേറ്റ് റിസോഴ്‌സ് പേഴ്‌സണ്‍ സുരേഷ്, പ്രസാദ്, ജിജി ഗോപന്‍, നിധീഷ്, ശുചിത്വ മിഷന്‍ ജില്ലാ പ്രോഗ്രാം ഓഫീസര്‍ എ. ഷാനവാസ് എന്നിവര്‍ ക്ലാസ്സ് നയിച്ചു.
ബ്ലോക്ക് ജി .ഇ.ഒ മുരളീധരന്‍ സംസാരിച്ചു
വാര്‍ഡ് തല സാനിറ്റേഷന്‍ കമ്മിറ്റികള്‍ ഓഗസ്റ്റ് മൂന്നിന് മുന്‍പ് യോഗം ചേര്‍ന്ന് 13ന് മുമ്പ് മാലിന്യത്തിന്റെ അവസ്ഥാ പഠന റിപ്പോര്‍ട്ട് തയാറാക്കാനും തീരുമാനിച്ചു.