കോട്ടക്കല്‍: ദേശീയപാത എടരിക്കോട് ഇന്നോവ കാര്‍ നിയന്ത്രണംവിട്ട്മറിഞ്ഞ് എട്ട് പേര്‍ക്ക് പരുക്കേറ്റു. ഇന്നലെ പുലര്‍ച്ചെ നാലിന് എടരിക്കോടിനും പാലച്ചിറമാടിനും ഇടയിലാണ് അപകടം.
എടരിക്കോട് ഭാഗത്ത്‌നിന്നെത്തിയ വാഹനം നിയന്ത്രണംവിട്ട് വലതുഭാഗത്തേക്ക് മറിയുകയായിരുന്നു. സമീപത്തെ ട്രാന്‍സ്‌ഫോമറില്‍ ഇടിച്ച് കാര്‍ ഒരു ഭാഗത്തേക്ക് മറിഞ്ഞു. വട്ടക്കിണര്‍ സ്വദേശികളായ ഇസ്ഹാഖ് (50), ഭാര്യ റഹീന (39), മക്കളായ മുഹമ്മദ് റംസാന്‍ (മൂന്ന് മാസം), ഹിറ (11), അറഫ(15), തിരുവണ്ണൂര്‍ സ്വേദശി ഫഹുമ (18), കോഴിക്കോട് സ്വദേശി സല്‍മാന്‍ (18), പന്നിയങ്കര സ്വദേശി ഷര്‍ഷാദ് (24). പരുക്ക് ആര്‍ക്കും ഗുരുതരമല്ല.