കോതമംഗലം: നെല്ലിക്കുഴി സത്യന്‍ ആര്‍ട്‌സ് ആന്റ്‌സ്‌ േപാട്‌സ് ക്ലബ്ബിന്റെ ആഭിമുഖ്യത്തില്‍ നടന്ന കാഴ്ചക്ക് വെല്ലുവിളി നേരിടുന്ന ചെസ് താരങ്ങളും കാഴ്ചശക്തിയുള്ളവരും തമ്മില്‍ നടന്ന ചെസ് മത്സരംശ്രദ്ധേയമായി.
ഹര്‍ത്താല്‍ ദിനത്തില്‍ കാഴ്ചയില്ലാത്ത താരങ്ങളെ പൊലിസ് വാഹനത്തിലാണ് മത്സരത്തിനെത്തിച്ചത്. നിരവധി പേരാണ് മത്സരം കാണാന്‍ എത്തിയത്. സിനിമാ, നാടക നടന്‍ മനോജ് നെല്ലിക്കുഴി  മത്സരം ഉദ്ഘാടനം ചെയ്തു. ക്ലബ്ബ് പ്രസിഡന്റ് കെ.ആര്‍ ശശികുമാര്‍ അധ്യക്ഷനായിരുന്നു.
മത്സരത്തില്‍ ഒന്നാം സ്ഥാനം  കാഴ്ചശക്തിയുള്ളയാള്‍ക്കും രണ്ടും മൂന്നും നാലും സ്ഥാനങ്ങള്‍ കാഴ്ശക്തി ഇല്ലാത്തവര്‍ക്കുമായി ലഭിച്ചു.
കെ.എം അലിയാറിന് ഒന്നാം സ്ഥാനവും എന്‍.എം നവാസിന് രണ്ടാംസ്ഥാനവും പി.ഷെയ് ബുവിന് മൂന്നാം സ്ഥാനവും, കെ.പി റഹീമിന് നാലാം സ്ഥാനവും ലഭിച്ചു.
നെല്ലിക്കുഴി പഞ്ചായത്ത് പ്രസിഡന്റ് രജ്ജിനി രവി മത്സര വിജയികള്‍ക്ക് സമ്മാനങ്ങള്‍ വിതരണം ചെയ്തു. പഞ്ചായത്ത് അംഗം സല്‍മജമാല്‍, കെ.കെ ശശികുമാര്‍, സലീം യൂസഫ്, സിയാദ്, പി യഹിയ, കെ.എം അലി എന്നിവര്‍ സംസാരിച്ചു.