കോഴിക്കോട്: സ്‌കൂളുകളില്‍ പെണ്‍കുട്ടികള്‍ക്ക് സാനിറ്ററി നാപ്കിന്‍ സൗകര്യം ഏര്‍പ്പെടുത്തുന്നതിനുള്ള ഉത്തരവ് കര്‍ശനമായി നടപ്പാക്കാന്‍ സര്‍ക്കാരിന് നിര്‍ദേശം നല്‍കുമെന്ന് സംസ്ഥാന വനിതാ കമ്മിഷന്‍ അംഗം അഡ്വ.എം.എസ് താര പറഞ്ഞു.
കോഴിക്കോട് ജില്ലാ പഞ്ചായത്ത് ഹാളില്‍ നടത്തിയ കമ്മിഷന്റെ മെഗാ അദാലത്തിനു ശേഷം സംസാരിക്കുകയായിരുന്നു അവര്‍. ഹൈസ്‌കൂള്‍ മുതലുള്ള വിദ്യാര്‍ഥിനികളെ ലക്ഷ്യം വച്ചുള്ള വനിതാ കമ്മിഷന്റെ പദ്ധതിയായ 'കലാലയ ജ്യോതി'യുടെ പ്രവര്‍ത്തനം എല്ലാ ജില്ലകളിലും സജീവമാക്കുമെന്നും അവര്‍ പറഞ്ഞു.