കോഴിക്കോട്: സര്‍വ്വോദയ സംഘത്തിനു കീഴില്‍ മിഠായിത്തെരുവില്‍ പ്രവര്‍ത്തിക്കുന്ന ഖാദി ഗ്രാമോദ്യോഗ് എംപോറിയത്തില്‍ ഓണം-ബക്രീദ് ഖാദി മെഗാ എക്‌സ്‌പോ നാലിനു തുടങ്ങും. വൈകിട്ട് 3.30ന് മേയര്‍ തോട്ടത്തില്‍ രവീന്ദ്രന്റെ അധ്യക്ഷതയില്‍ മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. പഴശ്ശിരാജ കോ ഓപറേറ്റിവ് ബാങ്ക് പ്രസിഡന്റ് സി.പി ഹമീദ് ആദ്യ വില്‍പന സ്വീകരിക്കും. സര്‍വ്വോദയ സംഘം പ്രസിഡന്റ് വി. മോഹനന്‍ മുഖ്യപ്രഭാഷണം നടത്തും. 

വിവിധ സംസ്ഥാനങ്ങളില്‍ നിന്നുള്ള ഖാദി തുണിത്തരങ്ങളും ഗ്രാമവ്യവസായ ഉല്‍പ്പന്നങ്ങളും മേളയില്‍ ഉണ്ടാകും. ഖാദി തുണിത്തരങ്ങള്‍ക്ക് 30 ശതമാനം സര്‍ക്കാര്‍ റിബേറ്റ് ലഭിക്കും. തുകല്‍ ഉല്‍പ്പന്നങ്ങള്‍ക്ക് 20 ശതമാനവും ഫര്‍ണിച്ചറുകള്‍ക്ക് 10 ശതമാനവും കിഴിവുണ്ട്. സെപ്റ്റംബര്‍ മൂന്ന് വരെയാണ് മേള.