കരുനാഗപ്പള്ളി: മാരകായുധങ്ങളുമായി ഭീകരാന്തരീക്ഷം സൃഷ്ടിച്ച കേസില്‍ പൊലിസ് പിടിയിലായ മൂന്നംഗ സംഘത്തെ റിമാന്‍ഡ് ചെയ്തു. തഴവകടത്തൂര്‍ എന്‍.എന്‍ കോട്ടേജില്‍ നിജാദ് (33), കുലശേഖരപുരം പുന്നക്കുളം മുളമൂട്ടില്‍ അന്‍സര്‍ (35), കുലശേഖരപുരം കടത്തൂര്‍ മലയില്‍ത്തറയില്‍ ഷാനവാസ് (33) എന്നിവരെയാണ് കോടതിയില്‍ ഹാജരാക്കി റിമാന്‍ഡ് ചെയ്തത്.
എസ്.ഐ വി. ശിവകുമാറിന്റെ നേതൃത്വത്തിലുള്ള പൊലിസ് സംഘമാണ് പ്രതികളെ കസ്റ്റഡിയിലെടുത്തത്. മണപ്പള്ളി ജങ്ഷന് സമീപം കഴിഞ്ഞ ദിവസം ബൈക്കുകളിലെത്തിയ അക്രമിസംഘം ആയുധങ്ങളെടുത്ത് വഴിയില്‍ നിന്നവരെ ആക്രമിക്കുകയായിരുന്നു. സമീപത്തെ കച്ചവടസ്ഥാപനങ്ങളിലെ സി.സി ടിവി ദൃശ്യങ്ങളുടെ അടിസ്ഥാനത്തിലാണ് ഇവരെ കസ്റ്റഡിയിലെടുത്തത്.