ജിദ്ദ: സഊദി കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ മുഹമ്മദ് സല്‍മാന്‍ രാജകുമാരനുമായി പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ കൂടിക്കാഴ്ച നടത്തി. റിയാദിലെ കിരീടാവകാശിയുടെ ആസ്ഥാനത്ത് ശനിയാഴ്ച യായിരുന്നു കൂടിക്കാ ഴ്ചയും സംഭാഷണവും. ഉഭയകക്ഷി താല്പര്യമുള്ള വിഷയ ങ്ങള്‍ പരസ്പര ബന്ധം കൂടുതല്‍ ശക്തമാക്കാനുള്ള മാര്‍ഗങ്ങള്‍ എന്നിവയ്‌ക്ക് പുറമെ മേഖലയിലും അന്താരാ ഷ്‌ട്ര താളത്തിലുമുള്ള സംഭവ വികാസങ്ങള്‍ സംഭാഷണത്തില്‍ ചര്‍ച്ചയായതായി സഊദി പ്രസ് ഏജന്‍സി വെളിപ്പെടുത്തി.

സഊദി വിദേശകാര്യ മന്ത്രി ഫൈസല്‍ ഫര്‍ഹാന്‍ അബ്ദുല്‍അസീസ് രാജകുമാരന്‍, ദേശസു രക്ഷാ ഉപദേഷ്ടാവ് ഡോ. മുസായിദ് മുഹമ്മദ് അല്‍ഐബാന്‍, ജനറല്‍ ഇന്റലിജന്‍സ് വിഭാഗം മേധാവി ഖാലിദ് അല്‍ഹുമൈദാന്‍, പാകിസ്ഥാനിലെ സഊദി അംബാസഡര്‍ നവാഫ് അല്‍മാലികി എന്നിവരും പാകിസ്ഥാന്‍ സംഘത്തില്‍ വിദേശ മന്ത്രാലയത്തിലെ അണ്ടര്‍ സെക്രട്ടറി സുഹൈല്‍ മഹ്‌മൂദ്‌, സഊദിയിലെ പാകിസ്ഥാന്‍ അംബാസഡര്‍ റജാ അലി ഇജാസ്‌ ഉള്‍പ്പെടയുള്ളവരും ചര്‍ച്ചകളില്‍ സന്നിഹിതരായി.