കണ്ണൂര്‍: നമ്മുടെ രാജ്യം വര്‍ഗീയമുക്തമായിക്കൊണ്ടിരിക്കുന്ന മനോഹരമായ കാഴ്ചയാണ് ഇപ്പോള്‍ കാണാന്‍ കഴിയുന്നതെന്ന് സംവിധായകന്‍ എം.എ നിഷാദ്. എ.ഐ.ടി.യു.സി സംസ്ഥാന സമ്മേളനത്തിന്റെ ഭാഗമായി നടന്ന പ്രതിഭാ സംഗമം ഉദ്ഘാടനം ചെയ്യുകയായിരുന്നു അദ്ദേഹം. ശതകോടീശ്വരന്റെ മകളുടെ ആര്‍ഭാടവിവാഹത്തിന്റെ പൊടിപ്പും തൊങ്ങലും വച്ച കഥകള്‍ക്ക് അച്ചുനിരത്തുന്ന മാധ്യമഭീമന്‍മാര്‍ കര്‍ഷകരുടെ പ്രശ്‌നങ്ങള്‍ ജനങ്ങളിലേക്ക് എത്തിക്കുന്നതിന് അല്‍പസമയം നല്‍കിയിരുന്നുവെങ്കില്‍ ഇവിടെ കര്‍ഷകര്‍ ദുരിതക്കയത്തിലാകില്ലായിരുന്നുവെന്നും നിഷാദ് പറഞ്ഞു.
വെള്ളോറ രാജന്‍ അധ്യക്ഷനായി. പന്ന്യന്‍ രവീന്ദ്രന്‍, കെ.ഇ ഇസ്മാഈല്‍, പി. സന്തോഷ്‌കുമാര്‍, സി.പി സന്തോഷ്‌കുമാര്‍, സി.പി ഷൈജന്‍, വി. ഷാജി, കെ,വി രജീഷ് സംസാരിച്ചു.