കുമ്പള: മണല്‍കടത്ത് സംഘം പൊലിസിനെ കണ്ട് വാന്‍ ഉപേക്ഷിച്ച് രക്ഷപ്പെട്ടു. കഴിഞ്ഞ ദിവസം രാത്രി കുമ്പള കുണ്ടങ്കാരടുക്കക്ക് സമീപത്താണു സംഭവം. ഓമ്‌നി വാനില്‍ ചാക്കു കെട്ടുകളിലാക്കി മണല്‍ കടത്തുന്നതിനിടെയാണ് പൊലിസ് എത്തിയത്. കുമ്പള ഭാഗത്തേക്കാണു മണല്‍ കടത്താന്‍ ശ്രമിച്ചത്. പൊലിസിനെ കണ്ടതോടെ വാനിലുണ്ടായിരുന്നവര്‍ ഓടി രക്ഷപ്പെടുകയായിരുന്നു. 20ചാക്ക് മണല്‍ പൊലിസ് പിടിച്ചെടുത്തു. രാത്രികാലങ്ങളില്‍ ചെറുവാഹനങ്ങളില്‍ മണല്‍ കടത്തുന്നുണ്ടെന്ന വിവരത്തെ തുടര്‍ന്ന് പൊലിസ് പരിശോധന കര്‍ശനമാക്കിയിട്ടുണ്ട്.