കോഴിക്കോട്: കനോലി കനാല്‍ ശുചീകരണ യജ്ഞത്തില്‍ എസ്.കെ.എസ്.എസ്.എഫിന്റെ വിഖായ ആക്ടീവ് വിങ്ങും പങ്കാളികളാവുന്നു. കനാലിന്റെ കുണ്ടുപറമ്പ് പാലം മുതല്‍ പുതിയപാലം വരെയുള്ള ഭാഗത്തെ ശുചീകരണ പ്രവൃത്തിയാണ് വിഖായയുടെ നേതൃത്വത്തില്‍ നടത്തുന്നത്. 16ന് ആയിരത്തിലധികം വളണ്ടിയര്‍മാര്‍ പങ്കെടുക്കുന്ന പരിപാടി മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. സരോവരം പാര്‍ക്കിനടുത്ത് നടക്കുന്ന ചടങ്ങില്‍ കലക്ടര്‍ സാംബശിവറാവു അധ്യക്ഷനാകും. എസ്.കെ.എസ്.എസ്.എഫ് സംസ്ഥാന സെക്രട്ടറി സത്താര്‍ പന്തല്ലൂര്‍, മറ്റു സംസ്ഥാന ഭാരവാഹികള്‍, കോര്‍പറേഷന്‍ ആരോഗ്യ വിഭാഗം, കോര്‍പറേഷന്‍ കൗണ്‍സിലര്‍മാര്‍ എന്നിവര്‍ പങ്കെടുക്കും. ഇതുവരെ നടത്തിയ ശുചീകരണ പ്രവര്‍ത്തനം എന്ന നിലക്ക് ബാക്കിയുള്ള മറ്റു പ്രവര്‍ത്തനങ്ങളാണ് അന്നേ ദിവസം നടക്കുകയെന്ന് കോര്‍പറേഷന്‍ ഹെല്‍ത്ത് ഓഫിസര്‍ ഡോ. ആര്‍.എസ് ഗോപകുമാര്‍ പറഞ്ഞു.