വാല്‍പരെയ്സോ: ചിലിയിലെ പ്രധാന വിനോദ സഞ്ചാരകേന്ദ്രമായ വാല്‍പരെയ്സോയിലുണ്ടായ കാട്ടുതീയില്‍ 200 വീടുകള്‍ കത്തിനശിച്ചു. കാട്ടു തീ പടര്‍ന്നു പിടിക്കുന്നതിനെ തുടര്‍ന്ന് ആയിരത്തിലേറെ പേരെ പ്രദേശത്ത് നിന്ന് ഒഴിപ്പിച്ചു.

നൂറോളം അഗ്നശമന സേനാ പ്രവര്‍ത്തകരുടെ നേതൃത്വത്തില്‍ തീയണയ്ക്കാനുള്ള ശ്രമങ്ങള്‍ തുടരുകയാണ്. ഉയര്‍ന്ന താപനിലയും ശക്തമായ കാറ്റും ശ്രമങ്ങളെ പ്രതികൂലമായി ബാധിക്കുന്നുണ്ട്. 90,000 ഉപഭോക്താക്കള്‍ക്ക് വൈദ്യുതി തടസം നേരിട്ടു.

വ്യോമമാര്‍ഗവും അല്ലാതെയും രക്ഷാപ്രവര്‍ത്തനം പുരോഗമിക്കുകയാണെന്നും ആളപായം ഉണ്ടായിട്ടില്ലെന്നും വാല്‍പരെയ്സോ മേയര്‍ ജോര്‍ജ് ഷാര്‍പ്പ് അറിയിച്ചു.