കുലുക്കല്ലൂര്‍: ഗ്രാമപഞ്ചായത്തില്‍ ഹരിത കേരളം പദ്ധതിയുടെ ഭാഗമായി  മാഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി ആദ്യ ഘട്ടത്തിലെ ഗ്രാമപഞ്ചായത്തിലെ 200 കിണറുകളില്‍ റീചാര്‍ജിങ് പദ്ധതി നടപ്പാക്കുന്നു. ഗ്രാമപഞ്ചായത്തില്‍ നേരിട്ട കുടിവെള്ള ക്ഷാമത്തിനും കിണര്‍ വറ്റുന്നതിനും പരിഹാരം കാണുക എന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്. ഒരു കിണര്‍ റീചാര്‍ജിങ്ങിന് 6000 രൂപ പ്രകാരത്തിലാണ് ആക്ഷന്‍പ്ലാന്‍ തയ്യാറാക്കിയിട്ടുള്ളത്. ഇതില്‍ 4500 രൂപ സാധന സാമഗ്രികള്‍ക്കും 1500 രൂപ വേതന ഘടകവുമാണ്.  'മഴനിറ' കിണര്‍ റീചാര്‍ജിങ് പദ്ധതിയുടെ ഉദ്ഘാടനം - ഗ്രാമപഞ്ചായത്ത് പ്രസിഡന്റ്  സുലൈഖ ജമീല ഉമ്മര്‍ നിര്‍വഹിച്ചു. വൈസ് പ്രസിഡന്റ് കദീ, ഗ്രാമപഞ്ചായത്ത് അഗങ്ങളായ അബ്ദുള്‍കരീം, രാജേന്ദ്രനുണ്ണി മാസ്റ്റര്‍, മുഹമ്മദ് നൂറുദ്ദീന്‍, എന്‍. ഗോപകുമാര്‍, രതീഷ്, വി. രമണി, സജീവ്, ശ്രീകുമാര്‍ സംസാരിച്ചു.