ന്യൂഡല്‍ഹി: പ്രതിപക്ഷ നേതാവ് പിണറായി വിജയന്റെ വിമാനയാത്ര മുടങ്ങി. ഇന്ന് ഉച്ചയ്ക്ക് 2.50 ന് ഡല്‍ഹിയില്‍ നിന്നുള്ള ഇന്‍ഡിഗോ വിമാനത്തിലാണ് പിണറായി കേരളത്തിലേക്ക് മടങ്ങാനിരുന്നത്. 

ഈ വിമാനത്തില്‍ കയറാനായി പൊളിറ്റ് ബ്യൂറോ യോഗം കഴിയുന്നതിനു മുന്‍പെ പിണറായി പാര്‍ട്ടി ആസ്ഥാനത്തുനിന്നിറങ്ങി വിമാനത്താവളത്തിലെത്തിയിരുന്നു. എന്നാല്‍ വി.ഐ.പി ലോഞ്ചില്‍ ഇരുന്ന പിണറായിയെ സ്വീകരിക്കാന്‍ വിമാനക്കമ്പനി അധികൃതര്‍ എത്തിയിരുന്നില്ല. 

കൃത്യമായ അറിയിപ്പ് ലഭിക്കാതിരുന്നതാണ് അദ്ദേഹത്തിന്റെ യാത്ര മുടങ്ങാന്‍ കാരണമായതെന്ന് ഒപ്പമുള്ളവര്‍ പറഞ്ഞു. പിണറായി വരുന്ന വിവരം പ്രോട്ടോക്കോള്‍ വിഭാഗം ഇന്‍ഡിഗോയെ അറിയിച്ചിരുന്നില്ല. 

നിലവില്‍ അദ്ദേഹം ഡല്‍ഹി വിമാനത്താവളത്തില്‍ തുടരുകയാണ്. വൈകുന്നേരം 7.10 നുള്ള വിമാനത്തില്‍ കോഴിക്കോടേക്ക് പുറപ്പെടുമെന്നാണ് വിവരം. 

പൊളിറ്റ് ബ്യൂറോയില്‍ പങ്കെടുക്കാന്‍ വ്യാഴാഴ്ചയാണ് പിണറായി ഡല്‍ഹിയിലെത്തിയത്.

Kerala Chief Minister Pinarayi Vijayan's return flight from Delhi to Kerala was disrupted after officials reportedly did not receive timely notification regarding the travel arrangements. The unexpected lapse resulted in the Chief Minister missing the scheduled flight, prompting alternative travel arrangements.