ഒറ്റപ്പാലം:'നാനാത്വത്തില്‍ ഏകത്വം നമ്മുടെ ഇന്ത്യ' എന്ന പ്രമേയവുമായി എസ്.വൈ.എസ് പാലക്കാട് ജില്ലാ കമ്മിറ്റി ഓഗസ്റ്റ് 14ന് ഒറ്റപ്പാലത്ത് നടത്തുന്ന സെമിനാര്‍ വിജയിപ്പിക്കാന്‍ മുനിസിപ്പല്‍ കമ്മിറ്റി യോഗം തീരുമാനിച്ചു. മുനിസിപ്പല്‍ പ്രസിഡന്റ് പി. കാസിം അധ്യക്ഷനായ യോഗം മണ്ഡലം വൈസ് പ്രസിഡന്റ് സിറാജുദ്ധീന്‍ മുസ്‌ലിയാര്‍ ഉദ്ഘാടനം ചെയ്തു. മുഫത്തിശ് ടി.പി.എ. മജീദ് ഫൈസി മുഖ്യപ്രഭാഷണം നിര്‍വഹിച്ചു. മുഹമ്മദ്  സ്വാദിഖ് അന്‍വരി, പി. ഇസ്മായില്‍, വി.കെ. റഷീദ് പ്രസംഗിച്ചു. ഈ വര്‍ഷത്തെ പരിശുദ്ധ ഹജ്ജ് കര്‍മ്മത്തിനു പുറപ്പെടുന്ന പി. കാസിമിന് യാത്രയയപ്പ് നല്‍കി. സെക്രട്ടറി സി.കെ. മുഷ്താഖ് സ്വാഗതവും കെ.വി.എം മുനാഫര്‍ നന്ദിയും പറഞ്ഞു.