കൊപ്പം: എസ്.കെ.എസ്.എസ്.എഫ് സംസ്ഥാന കമ്മിറ്റി സംസ്ഥാനതലത്തില്‍ 'ഒരുമയോടെ വസിക്കാം , സൗഹൃദം  കാക്കാം ' എന്ന പ്രമേയത്തില്‍ ഓഗസ്റ്റ് 15ന് നടത്തുന ദേശീയോദ്ഗ്രഥന പ്രചാരണത്തിന്റെ ഭാഗമായി കൊപ്പം മേഖല കമ്മിറ്റി സംഘടിപ്പിക്കുന്ന ഫ്രീഡം സ്‌ക്വയര്‍ തിരുവേഗപ്പുറയില്‍ നടത്തും.
ഇതു സംബന്ധമായി കൊപ്പം ഇസ്സത്തുല്‍ ഇസ്‌ലാം മദ്‌റസയില്‍ നടന്ന യോഗത്തില്‍ സയ്യിദ് അബ്ദുല്‍ ഹക്കീം തങ്ങള്‍ പുത്തംകുളം പ്രാര്‍ഥന നിര്‍വഹിച്ചു. പ്രസിഡന്റ് അബ്ദുസ്സലാം അശ്‌റഫി അധ്യക്ഷനായി. എസ്.വൈ.എസ് പട്ടാമ്പി മണ്ഡലം ജനറല്‍ സെക്രട്ടറി സയ്യിദ് ഹസന്‍ സഖാഫ് തങ്ങള്‍ ഉദ്ഘാടനം നിര്‍വഹിച്ചു.
എസ്.കെ.എസ്.എസ്.എഫ് ജില്ലാ വര്‍ക്കിങ് സെക്രട്ടറി ആരിഫ് ഫൈസി, ഉമറുല്‍ ഫാറൂഖ് വിളയൂര്‍, ആസിഫ് കിഴക്കേക്കര, സയ്യിദ് ഫസല്‍ സഖാഫ് തങ്ങള്‍  കൊപ്പം, അബ്ദുല്‍ ജലീല്‍ അസ്‌ലമി കിഴക്കേക്കര, നൗശാദ് ഫൈസി വണ്ടുംതറ, ഷൗക്കത്ത് മൗലവി കൂരാച്ചിപ്പടി പ്രസംഗിച്ചു.
വര്‍ക്കിങ് സെക്രട്ടറി മുഹിയദ്ധീന്‍ ബാഖവി സ്വാഗതവും ട്രഷറര്‍ മുഹമ്മദ് കുട്ടി മൗലവി നന്ദിയും പറഞ്ഞു.