ജിദ്ദ: സമസ്തയുടെ നേതാക്കളായിരുന്ന കണ്ണിയ്യത് ഉസ്താദ്, ശംസുല്‍ ഉലമ, ബാപ്പു മുസ്‌ലിയാര്‍ എന്നിവര്‍ വിജ്ഞാന സമ്പാദനത്തിനു ഏറെ പ്രാധാന്യം നല്‍കിയ മഹാന്മാരായിരുന്നുവെന്നു വളാഞ്ചേരി മര്‍കസ് വാഫി കോളേജ് പ്രിന്‍സിപ്പല്‍ അബ്ദുല്‍ ഹക്കീം ഫൈസി ആദൃശ്ശേരി പറഞ്ഞു. ഇസ്ലാമിക വിജ്ഞാനത്തോടൊപ്പം വിവിധ ഭാഷകളിലും അവര്‍ പ്രാവീണ്യം നേടിയിരുന്നുവെന്നും അവരുടെ ദീര്‍ഘ വീക്ഷണം കൊണ്ടാണ് കേരളത്തില്‍ മത ഭൗതിക കലാലയങ്ങള്‍ ഉയര്‍ന്നു വന്നതെന്നും അദ്ദേഹം പറഞ്ഞു. ദാരിമീസ്അസോസിയേഷനും സമസ്ത ഇസ്ലാമിക സെന്ററും സംയുക്തമായി സംഘടിപ്പിച്ച കണ്ണിയ്യത് അഹ്മദ് മുസ്‌ലിയാര്‍, ശംസുല്‍ ഉലമ ഇ. കെ അബുബക്കര്‍ മുസ്‌ലിയാര്‍, കോട്ടുമല ബാപ്പു മുസ്‌ലിയാര്‍ അനുസ്മരണ യോഗം ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. സമസ്ത ഇസ്ലാമിക് സെന്റര് സൗദി നാഷണല്‍ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങള്‍ മേലാറ്റൂര്‍ അധ്യക്ഷത വഹിച്ചു.
ഹംസ ഫൈസി റിപ്പണ്‍ അനുസ്മരണ പ്രഭാഷണം നടത്തി.
മുസ്തഫ ബാഖവി ഊരകം, അബുബക്കര്‍ ദാരിമി താമരശ്ശേരി, സയ്യിദ് അന്‍വര്‍ തങ്ങള്‍, അലി മൗലവി നാട്ടുകല്‍, സുബൈര്‍ ഹുദവി കൊപ്പം, അബുബക്കര്‍ ദാരിമി ആലമ്പാടി, സല്‍മാനുല്‍ ഫാരിസ് ദാരിമി തുടങ്ങിയവര്‍ സംബന്ധിച്ചു. സാലിം ദാരിമി അല്‍ ഹൈതമി സ്വാഗതവും അഷ്‌റഫ് ദാരിമി നന്ദിയും പറഞ്ഞു.