പട്‌ന: നിതീഷ് കുമാറിന്റെ നടപടിമൂലം മഹാസഖ്യത്തിനൊപ്പം തകര്‍ന്നത് 11 കോടി ജനങ്ങളുടെ വിശ്വാസംകൂടിയാണെന്ന് ജെ.ഡി.യു നേതാവ് ശരത് യാദവ്.
ബിഹാറില്‍ മൂന്ന് ദിവസങ്ങളിലായി നടത്തുന്ന പ്രചാരണ പരിപാടിക്കായി പട്‌ന വിമാനത്താവളത്തില്‍ വന്നിറങ്ങിയ അദ്ദേഹം മാധ്യമപ്രവര്‍ത്തകരുമായുള്ള അഭിമുഖത്തിലാണ് നിതീഷിനോടുള്ള അതൃപ്തി വ്യക്തമാക്കിയത്.
മുതിര്‍ന്ന ജെ.ഡി.യു നേതാവും മുന്‍മന്ത്രിയുമായ രമായ് റാം പോലുള്ള വളരെക്കുറച്ചുപേര്‍ മാത്രമാണ് ശരത് യാദവിനെ സ്വീകരിക്കാന്‍ വിമാനത്താവളത്തില്‍ എത്തിയിരുന്നത്. താന്‍ ബിഹാറില്‍ എത്തിയത് പാര്‍ട്ടി വിരുദ്ധ പ്രവര്‍ത്തനങ്ങള്‍ക്കല്ല. മറിച്ച് ജനങ്ങളുടെ അഭിപ്രായങ്ങള്‍ സ്വരൂപിക്കുകയെന്നതാണ് ലക്ഷ്യമെന്ന് അദ്ദേഹം മാധ്യമങ്ങളോടു പറഞ്ഞു.