കണ്ണൂര്‍: മാവിലായി റെയ്ഡ്‌കോ കേരള ലിമിറ്റഡ് നവീകരിച്ച കറിപൗഡര്‍ ഫാക്ടറി ഉദ്ഘാടനം നാളെ രാവിലെ 10ന് മുഖ്യമന്ത്രി പിണറായി വിജയന്‍ നിര്‍വഹിക്കും. മന്ത്രി കടകംപള്ളി സുരേന്ദ്രന്‍ അധ്യക്ഷനാകും. മന്ത്രി കടന്നപ്പള്ളി രാമചന്ദ്രന്‍, മന്ത്രി കെ.കെ ശൈലജ, എം.പിമാരായ പി.കെ ശ്രീമതി, കെ.കെ രാഗേഷ്, റിച്ചാര്‍ഡ് ഹേ, എം.എല്‍.എമാരായ ഇ.പി ജയരാജന്‍, ജയിംസ് മാത്യു, എ.എന്‍ ഷംസീര്‍, കെ.സി ജോസഫ്, കെ.എം ഷാജി, ടി.വി രാജേഷ്, സി. കൃഷ്ണന്‍, എം. രാജഗോപാല്‍, മുന്‍ എം.എല്‍.എമാരായ പി. ജയരാജന്‍, എം.വി ജയരാജന്‍, ജില്ലാപഞ്ചായത്ത് പ്രസിഡന്റ് കെ.വി സുമേഷ് പങ്കെടുക്കും. വാര്‍ത്താസമ്മേളനത്തില്‍ റെയ്ഡ്‌കോ ചെയര്‍മാന്‍ വത്സലന്‍ പനോളി, എം.ഡി മനോജ് കുമാര്‍, എന്‍.പി ശ്രീധരന്‍ സംബന്ധിച്ചു.