വളാഞ്ചേരി: വളാഞ്ചേരി എം.ഇ.എസ് കെ.വി.എം കോളേജിലെ സുവോളജി വിഭാഗത്തിന്റെ ആഭിമുഖ്യത്തില്‍ ഓറയോള്‍ നാച്യുരത ക്ലബ്, ഭൂമിതേ ക്ലബുകളുടെ സഹകരണത്തോടെ കര്‍കിടക കഞ്ഞിയും പത്തില കൂട്ടാനും കാംപസില്‍ വിതരണം ചെയ്തു. നാട്ടറിവുകള്‍ പരിചയപ്പെടുത്തുന്നതിന്റെ ഭാഗമായാണ് പ്രാദേശിയ വിഭവങ്ങള്‍ കുട്ടികള്‍ ശേഖരിച്ച് കഞ്ഞിയും കൂട്ടാനും ഒരുക്കിയത്.
നെയ്യുണ്ണി, മുള്ളന്‍ ചീര, താളില ആനക്കൊടിത്തുവ എന്നീ പത്തി ഇലകള്‍ ഉപയോഗിച്ചാണ് പത്തിലകൂട്ടാന്‍ തയാറക്കിയത്. പരിപാടിയുടെ ഭാഗമായി പാചകക്കുറിപ്പും ധാന്യങ്ങളും ഇലകളും പരിചയപ്പെടുത്തുന്ന പ്രദര്‍ശനവും സംഘടിപ്പിച്ചു. പ്രിന്‍സിപ്പല്‍ ഡോ. സി അബ്ദുല്‍ ഹമീദ് ഉദ്ഘാടനം ചെയ്തു.