നെയ്യാറ്റിന്‍കര: നിരവധി മോഷണ കേസിലെ പ്രതിയെ മാരായമുട്ടം പൊലിസ് അറസ്റ്റ് ചെയ്തു. കൊല്ലയില്‍ വില്ലേജില്‍ നടൂര്‍ക്കൊല്ല അമരവിള പരിയല്ലൂര്‍വിള മേലെത്തട്ട് പുത്തന്‍വീട്ടില്‍ മൂസ എന്നു വിളിയ്ക്കുന്ന സുനില്‍ (32) ആണ് പിടിയിലായത്.
ഇയാള്‍ ദിവസങ്ങള്‍ക്ക് മുന്‍പ് പെരിങ്കടവിള പാങ്കോട്ടുകോണം പ്രഭാ നിവാസില്‍ ബൈജുവിന്റെ വീട്ടില്‍ നിന്നും ഉരുളി മോഷ്ട്ടിച്ച കേസിലാണ് പിടിയിലായത്. ബൈജുവിന്റെ വീട്ടില്‍ സ്ഥാപിച്ചിരുന്ന സി.സി.ടി.വിയില്‍ മോഷ്ടാവിന്റെ ചിത്രം തെളിഞ്ഞിരുന്നു. ഇതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതി പിടിയിലായത്. ഇയാളില്‍ നിന്നും കവര്‍ന്നെടുത്ത ഉരുളി പൊലിസ് കണ്ടെടുത്തു.
സുനിലിന്റെ പേരില്‍ പാറശാല പൊലിസ് സ്റ്റേഷനില്‍ ഏഴോളം കേസുകളും , ആര്യന്‍കോട് , നേമം തുടങ്ങിയ സ്റ്റേഷനുകളില്‍ മറ്റ് നിരവധി കേസുകളുള്ളതായും പൊലിസ് പറഞ്ഞു. ഇന്നലെ കേടതിയില്‍ ഹാജരാക്കിയ പ്രതിയെ റിമാന്റ് ചെയ്തു.