തിരുവനന്തപുരം: നിബ്രാസുല്‍ ഇസ്‌ലാം വാഫി കോളജ് വിദ്യാര്‍ഥി സംഘടനയായ നിബ്രാസുല്‍ ഇസ്‌ലാം സ്റ്റുഡന്റ്‌സ് അസോസിയേഷന്റെ 2017-18 അധ്യയനവര്‍ഷത്തെ കോളജ് യൂനിയന്‍ ഉദ്ഘാടനം ചെയ്തു. കോളജ് ഓഡിറ്റോറിയത്തില്‍ നടന്ന ചടങ്ങ് കോളജ് പ്രിന്‍സിപ്പല്‍ ഉസ്താദ് അന്‍സര്‍ ബാഖവി പുല്ലമ്പാറ ഉദ്ഘാടനം ചെയ്തു. കോളജ് യൂനിയന്‍ ഉദ്ഘാടനവുമായി ബന്ധപ്പെട്ട് ലീഡര്‍ഷിപ്പ് ട്രെയ്‌നിങ് പ്രോഗ്രാം കേരളാ യൂനിവേഴ്‌സിറ്റി അറബിക് വിഭാഗം അസി. പ്രൊഫസര്‍ നൗഷാദ് ഹുദവി നേതൃത്വം നല്‍കി.
യൂനിയന്‍ ചെയര്‍മാന്‍ മുര്‍ഷിദിന്റെ അധ്യക്ഷതയില്‍ ചേര്‍ന്ന ഉദ്ഘാടനച്ചടങ്ങില്‍ വൈസ്പ്രിന്‍സിപ്പല്‍ സൈദലവി വാഫി, അഷ്‌റഫ് വാഫി, മുഹമ്മദ് ബാഖവി, ഡോ. ഷാഫി വാഫി പങ്കെടുത്തു. വരും ദിവസങ്ങളില്‍ കോളജ് യൂനിയന്റെ കീഴില്‍ ധാരാളം പദ്ധതികള്‍ ആസൂത്രണം ചെയ്യുമെന്നും വിദ്യാര്‍ഥികളുടെ കലാവാസന പരിപോഷിപ്പിക്കുന്നതിനായി ഗുല്‍സാര്‍ 17 എന്ന ശീര്‍ഷകത്തില്‍ കോളജ് ഫെസ്റ്റ് നടത്തുമെന്നും സംഘടനാ ഭാരവാഹികള്‍ അറിയിച്ചു. യൂനിയന്‍ സെക്രട്ടറി അന്‍വര്‍ ഖാന്‍ വിഴിഞ്ഞം, കോളജ് ലീഡര്‍ സൈനുല്‍ ആബിദ് മണ്ണാര്‍ക്കാട് എന്നിവര്‍ സംസാരിച്ചു.