ഈരാറ്റുപേട്ട: തിടനാട് ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ശതാബ്ദി ആഘോഷങ്ങളുടെ ഭാഗമായി നിര്‍മിച്ച മന്ദിരങ്ങളുടെ ഉദ്ഘാടനം ജോയി എബ്രഹാം എം.പി നിര്‍വഹിച്ചു. ശതാബ്ദി ആഘോഷങ്ങളുടെ സമാപന സമ്മേളനം പി.സി ജോര്‍ജ് എം.എല്‍.എ ഉദ്ഘാടനം ചെയ്തു.
ജലനിധി പദ്ധതിയില്‍ ഉള്‍പ്പെടുത്തി നിര്‍മിച്ച ശുചിത്വ സമുച്ചയവും ബ്ലോക്ക് പഞ്ചായത്ത് സ്ഥാപിച്ച മാലിന്യ നിര്‍മാര്‍ജന ഇന്‍സിനറേറ്ററും സ്‌കൂളിന് സമര്‍പ്പിച്ചു. ഗ്രാമപഞ്ചായത്ത് പ്രസിഡന്റ് മിനി സാവിയോ അധ്യക്ഷനായി. ഹെഡ്മിസ്ട്രസ് ജയശ്രീ എസ്, പ്രിന്‍സിപ്പാള്‍ മാനുവല്‍ അലക്‌സ്, ശതാബ്ദി കമ്മിറ്റി കണ്‍വീനര്‍ ചാര്‍ളി ജേക്കബ്, പി.ടി.എ പ്രസിഡന്റ് ഷാജിമോന്‍ ടി.പി, ലിസി തോമസ് അഴകത്ത്, സുരേഷ് കാലായില്‍ സംസാരിച്ചു.