മിലാന്‍: ഇറ്റാലിയന്‍ സീരി എയില്‍ വമ്പന്‍മാരായ മിലാന്‍ ടീമുകള്‍ക്ക് തകര്‍പ്പന്‍ ജയം. എ.സി മിലാന്‍ എതിരില്ലാത്ത മൂന്നു ഗോളിന് ക്രോറ്റോണിനെ പരാജയപ്പെടുത്തിയപ്പോള്‍ ഇതേ സ്‌കോറിന് ഇന്റര്‍മിലാന്‍ ഫിയോറന്റിനയെ പരാജയപ്പെടുത്തി.
ആറാം കെസ്സിയുടെ പെനാല്‍ട്ടിയിലൂടെ മുന്നിലെത്തിയ എ.സി മിലാനായി കുട്രോണ്‍, സുസോ എന്നിവര്‍ ലക്ഷ്യം കണ്ടു. മൂന്നു ഗോളുകളും ആദ്യ പകുതിയിലാണ് പിറന്നത്. ഫിയോറന്റിനക്കെതിരേ ആറാം മിനുട്ടില്‍ ഐക്കാര്‍ഡിയാണ് ഇന്ററിനെ മുന്നിലെത്തിച്ചത്. 15ാം മിനുട്ടില്‍ മറ്റൊരു മനോഹര ഗോളിലൂടെ ഐക്കാര്‍ഡി ടീമിന്റെ ലീഡ് വര്‍ധിച്ചു. 79ാം മിനുട്ടില്‍ പെരിസിച്ചിന്റെ ഗോള്‍ ടീമിന്റെ വിജയം മനോഹരമാക്കുകയായിരുന്നു.
മറ്റു മത്സരങ്ങളില്‍ സാംപ്‌ദോറിയ ഒന്നിനെതിരേ രണ്ടു ഗോളുകള്‍ക്ക് ബെനവെന്റ്റോയെ വീഴ്ത്തിയപ്പോള്‍ ഉദീനിസിനെ ഒന്നിനെതിരേ രണ്ടു ഗോളുകള്‍ക്ക് ചീവോ വീഴ്ത്തി.
ബോളോഗ്ന-ടോറിനോ മത്സരം 1-1നും ലാസിയോ-സ്പാല്‍ മത്സരവും സാസുലോ-ജെനോവ മത്സരം ഗോള്‍രഹിത സമനിലയിലും കലാശിച്ചു.