തിരുവനന്തപുരം: സ്വാര്‍ത്ഥ താത്പര്യത്തിനു വേണ്ടി മുഖ്യമന്ത്രി പൊതു താത്പര്യം അവഗണിച്ചെന്ന് പ്രതിപക്ഷ നേതാവ് രമേശ് ചെന്നിത്തല. ജനങ്ങളോട് പുലര്‍ത്തേണ്ട ധാര്‍മിക ഉത്തരവാദിത്വം മറന്നെന്ന് അദ്ദേഹം കുറ്റപ്പെടുത്തി. ആരോഗ്യമന്ത്രിയെസംരക്ഷിക്കുന്ന മുഖ്യമന്ത്രിയുടെ നിലപാട് പ്രതിഷേധാര്‍ഹമാണെന്ന് അദ്ദേഹം കൂട്ടിച്ചേര്‍ത്തു.

ഒരാഴ്ചകൊണ്ട് തീര്‍ക്കാവുന്ന പ്രശ്‌നമായിരുന്നു ഇത്. സര്‍ക്കാറിന്റെ പൂര്‍ണ പരാജയം ഇന്നലത്തെ കോടതി വിധിയില്‍ വ്യക്തമാണ്. സര്‍ക്കാര്‍ ചെയ്യേണ്ടത് കോടതി ചെയ്തു. നിരുത്തരവാദപരമായി ഒരാലോചനയുമില്ലാതെ ഇഷ്ടക്കാരേയും സ്വന്തക്കാരേും തിരുകിക്കയറ്റുകയാണ് ചെയ്തിരിക്കുന്നത്.കോടതിയുടെ ഫ്യൂഡല്‍ പരാമര്‍ശം മുഖ്യമന്ത്രിക്കേറ്റ കനത്ത തിരിച്ചടിയെന്നും ചെന്നിത്തല ചൂണ്ടിക്കാട്ടി.