കോഴിക്കോട്: കേരള കര്‍ഷകസംഘം കടലുണ്ടി, മണ്ണൂര്‍ മേഖലാ കമ്മിറ്റികളുടെ നേതൃത്വത്തില്‍ സംഘടിപ്പിക്കുന്ന കാര്‍ഷിക പ്രദര്‍ശന വിപണനമേള 'നാട്ടുപച്ച- 2017' ഇന്നുതുടങ്ങും.

മണ്ണൂര്‍ വളവില്‍ നടക്കുന്ന ചടങ്ങ് വൈകിട്ട് അഞ്ചിന് വി.കെ.സി മമ്മദ്‌കോയ എം.എല്‍.എ ഉദ്ഘാടനം ചെയ്യും. പി. വിശ്വന്‍ മാസ്റ്റര്‍ അധ്യക്ഷനാകും. മേളയുടെ ഭാഗമായി കാര്‍ഷിക ഉപകരണ പ്രദര്‍ശനം, വിവിധയിനം വിത്തുകള്‍, തൈകള്‍, വളം, കീടനാശിനികള്‍ എന്നിവയുടെ പ്രദര്‍ശനം, ചക്കഫെസ്റ്റ്, ക്ഷീരോല്‍പന്ന ഫെസ്റ്റ്, വിവിധ കലാപരിപാടികള്‍ എന്നിവ സംഘടിപ്പിക്കും. 30ന് നടക്കുന്ന സമാപന സമ്മേളനം കോര്‍പറേഷന്‍ മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും.