ആലക്കോട്: ചാണോക്കുണ്ട് പാലത്തില്‍ ബസും ലോറിയും കൂട്ടിയിടിച്ച് വാഹനഗതാഗതം തടസപ്പെട്ടു. ഇന്നലെ വൈകുന്നേരം ആറോടെയായിരുന്നു കണ്ണൂരില്‍ നിന്നു മണക്കടവിലേക്ക് വരികയായിരുന്ന സ്വകാര്യ ബസ് എതിരേ വന്ന ലോറിയുമായി കൂട്ടിയിടിച്ചത്.
വീതി കുറഞ്ഞ പാലത്തില്‍ ഇരുവാഹനങ്ങളും ഒരുമിച്ച് കയറിയതാണ് അപകടകാരണം. ബസിന്റെ മുന്‍വശത്തെ ടയറുകള്‍ കൈവരികള്‍ തകര്‍ത്ത് പുറത്തുപോയി. വിദ്യാര്‍ഥികള്‍ ഉള്‍പ്പെടെ നിരവധി യാത്രക്കാര്‍ ഈസമയം ബസില്‍ ഉണ്ടായിരുന്നു. മണിക്കൂറുകള്‍ കഴിഞ്ഞാണ് ഗതാഗതം പുനസ്ഥാ പിച്ചത്.