കോഴിക്കോട്: സുബ്രതോ കപ്പ് ഫുട്‌ബോള്‍ (അണ്ടര്‍-14, ഗേള്‍സ്) മത്സരത്തില്‍ സംസ്ഥാനതല ജേതാക്കളായ കോഴിക്കോട് കല്ലാനോട് ഹയര്‍ സെക്കന്‍ഡറി സ്‌കൂള്‍ ടീം അഖിലേന്ത്യാ മത്സരത്തില്‍ പങ്കെടുക്കുന്നതിനായി 30ന് ഡല്‍ഹിയിലേക്ക് പുറപ്പെടും. സ്‌കൂള്‍ പി.ടി.എയും മാനേജ്‌മെന്റും നാട്ടുകാരും ചേര്‍ന്നു സംഭാവന സ്വരൂപിച്ചാണ് മികച്ച കളിക്കാരെ ഡല്‍ഹിലേക്കു യാത്രയാക്കുന്നത്.
കളിക്കാര്‍ക്കുള്ള ട്രാക്ക്‌സ്യൂട്ടും ബനിയനും ജില്ലാ പഞ്ചായത്ത് സമ്മാനിച്ചു. ജില്ലാ പഞ്ചായത്ത് ഹാളില്‍ നടന്ന ചടങ്ങില്‍ പ്രസിഡന്റ് ബാബു പറശ്ശേരിയില്‍നിന്ന് ട്രാക്ക്‌സ്യൂട്ടും ബനിയനും താരങ്ങള്‍ ഏറ്റുവാങ്ങി. വൈസ് പ്രസിഡന്റ് റീന മുണ്ടേങ്ങാട്ട് അധ്യക്ഷയായി. ജനപ്രതിനിധികള്‍, ജില്ലാ പഞ്ചായത്ത് സെക്രട്ടറി പി.ഡി ഫിലിപ്, പി.ടി.എ പ്രസിഡന്റ് കെ.കെ ബാബു സംസാരിച്ചു.