തിരുവനന്തപുരം :വരരുചി പുത്രന്‍ പാക്കനാരുടെ കഥ വാഴ്ത്തിപ്പാടിക്കൊണ്ട് കനകക്കുന്നിലെ നാട്ടരങ്ങില്‍ നടന്ന പാക്കനാര്‍ തുള്ളല്‍ ചതയദിന ഓണാഘോഷങ്ങള്‍ക്ക് കൗതുകമായി.
വിക്രമാദിത്യസദസ്സിലെ പ്രമുഖ സാഹിത്യകാരനായ വര രുചിയുടെ പുത്രന്‍ പാക്കനാരുടെ കഥകള്‍ വാഴ്ത്തിപ്പാടി പത്തനംതിട്ട സുമേഷ് നാരായണനും സംഘവും അവതരിപ്പിച്ച തുള്ളല്‍ അരമണിക്കൂറോളം കാണികളെ വിസ്മയത്തിലാക്കി.
ത്രികോണാകൃതിയിലുള്ള കോലവും ശീലുകളും ഏറെ പുതുമയേറിയ കാഴ്ചയായി.
പാക്കനാര്‍ തുള്ളല്‍ വീക്ഷിക്കാന്‍ കുട്ടികളും മുതിര്‍ന്നവരും അണിനിരന്നു.