വടകര: ബൈക്കില്‍ ലിഫ്റ്റ് കൊടുത്തു വിദ്യാര്‍ഥികളെ പ്രകൃതിവിരുദ്ധ പീഡനത്തിന് ഇരയാക്കിയ യുവാവ് പിടിയില്‍. കടമേരി പാറക്കല്‍കുനി ശോഭി(27)യെയാണ് വടകര പൊലിസ് അറസ്റ്റ് ചെയ്തത്.
തേപ്പുപണിക്കാരനായ ഇയാള്‍ ബസ് കാത്തുനില്‍ക്കുന്ന വിദ്യാര്‍ഥിയെ ബൈക്കില്‍ കയറ്റി പീഡിപ്പിക്കുകയാണു ചെയ്തത്. രണ്ടു കുട്ടികള്‍ ഇയാളുടെ പീഡനത്തിനിരയായതായി പരാതി ലഭിച്ചിട്ടുണ്ട്.
കഴിഞ്ഞ ദിവസം രാവിലെ ട്യൂഷന്‍ ക്ലാസിനു പോകാന്‍ ബസ് കാത്തു നിന്ന വിദ്യാര്‍ഥിയെയാണ് ഇയാള്‍ ബൈക്കില്‍ കയറ്റിക്കൊണ്ടുപോയി പീഡിപ്പിച്ചത്. ഇതിനിടയിലാണു മറ്റൊരു കുട്ടിയും പീഡനത്തിനിരയായത് അറിയുന്നത്.
ബന്ധുക്കളുടെ പരാതി പ്രകാരം വടകര പൊലിസ് ഇയാളെ അറസ്റ്റ് ചെയ്യുകയായിരുന്നു. ബാലപീഡന നിരോധന നിയമപ്രകാരം ഇയാള്‍ക്കെതിരേ കേസെടുത്ത് കോഴിക്കോട് കോടതിയില്‍ ഹാജരാക്കി റിമാന്‍ഡ് ചെയ്തു.