കുന്നംകുളം: പെട്രോളിന്റെ വില വര്‍ധനവിനെതിരെ വേറിട്ട സമരവുമായി കുന്നംകുളത്തെ കോണ്‍ഗ്രസ് വിമത വിഭാഗം. പെട്രോളിന് മുന്‍പുള്ള യാത്രാ യുഗത്തെ അനുസ്മരിപ്പിച്ച് നഗരത്തില്‍ അവശേഷിക്കുന്ന ഏക കാളവണ്ടിയുമായി പ്രതിഷേധ പ്രകടനം നടത്തി.
കുന്നംകുളം നഗരത്തില്‍ അവശേഷിക്കുന്ന ജോണിയേട്ടന്റെ കാളവണ്ടിയായിരുന്നു പെട്രോള്‍ വിലവര്‍ദ്ധനവിനെതിരായ സമരത്തിന്റെ ശ്രദ്ധാകേന്ദ്രം. നഗരസഭാ കാര്യാലയത്തിനു മുന്‍പില്‍ നിന്നാരംഭിച്ച പ്രതിഷേധ പ്രകടനം നഗരം ചുറ്റി സമാപിച്ചു.
പ്രതിഷേധ സമരത്തിന് നഗരസഭാ സ്ഥിരം സമിതി അധ്യക്ഷന്‍മാരായ ഷാജി ആലിക്കല്‍, സുമ ഗംഗാധരന്‍, കൌണ്‌സിലര്മാരായ കെ ആനന്ദന്‍, ഇന്ദിര ശശി, മിഷ സെബാസ്റ്റ്യന്‍, സി വി ബേബി, എം എസ് സുഗുണന്‍, പില്‍ജോ എന്നിവര്‍ നേതൃത്വം നല്‍കി.