നാട്ടുകല്‍: മാണിക്കപ്പറമ്പ് സര്‍ക്കാര്‍ ഹൈസ്‌കൂളില്‍ സ്‌നേഹപൂര്‍വം സുപ്രഭാതം ക്യാംപയ്‌നിന്റെ ഭാഗമായി ഹൈസ്‌കൂള്‍ സെഷനിലെ എല്ലാ ക്ലാസുകളിലേക്കും സ്‌കൂള്‍ ഓഫിസിലേക്കും സുപ്രഭാതം പത്രം സമര്‍പ്പിച്ചു. എസ്.കെ.എസ്.എസ്.എഫ് തള്ളച്ചിറ ശാഖാ കമ്മിറ്റിയാണ് പത്രം സ്‌പോണ്‍സര്‍ ചെയ്തത്.
പത്രത്തിന്റെ കോപ്പി സ്‌കൂള്‍ ലീഡര്‍ക്ക് നല്‍കി എസ്.കെ.എസ്.എസ്.എഫ് സംസ്ഥാന കാര്യദര്‍ശി ഹബീബ് ഫൈസി ഉദ്ഘാടനം ചെയ്തു.
വിദ്യാ പ്രഭാതം പേജിലൂടെ വിദ്യാര്‍ഥികള്‍ക്കിടയില്‍ സുപ്രഭാതം വേറിട്ട അനുഭവവും അറിവുമാണ് സമ്മാനിക്കുന്നത് എന്ന് അദേഹം സൂചിപ്പിച്ചു. കേരളത്തിലെ എല്ലാ വിദ്യാലയങ്ങളിലും സുപ്രഭാതം എത്തിച്ച് അറിവിന്റെയും വായനയുടെ പുതിയ വാതായനങ്ങള്‍ തുറക്കുകയാണ് സുപ്രഭാതം.
ചടങ്ങില്‍ ഖാലിദ് അധ്യക്ഷനായി. കണ്‍വീനര്‍ കബീര്‍ അന്‍വരി നാട്ടുകല്‍ പത്രം പരിചയപ്പെടുത്തി.
എസ്.കെ.എസ്.എസ്.എഫ് നേതാക്കളായ സൈതലവി ഫൈസി, ശരീഫ് കരിമ്പനക്കല്‍, ഹനീഫ, സുഹൈര്‍, സലാം, സീനിയര്‍ അധ്യാപിക റംലത്ത് ടീച്ചര്‍, സീമ ടീച്ചര്‍ പ്രസംഗിച്ചു. ഹെഡ്മാസ്റ്റര്‍ അബ്ദുന്നാസര്‍ സ്വാഗതവും വിനോദ് കുമാര്‍ മാസ്റ്റര്‍ നന്ദിയും പറഞ്ഞു.