തിരുവനന്തപുരം: യെമനില്‍ ഐ.എസ് ഭീകരര്‍ തട്ടിക്കൊണ്ടുപോയ ഫാദര്‍ ടോം ഉഴുന്നാലില്‍ അടുത്ത വ്യാഴാഴ്ച്ച ഇന്ത്യയിലെത്തും. 28 ന് രാവിലെയാണ് ഫാദര്‍ റോമില്‍ നിന്ന് ഡല്‍ഹിയിലെത്തുക.

പ്രധാനമന്ത്രി നരേന്ദ്രമോദി, വിദേശകാര്യമന്ത്രി സുഷമാ സ്വരാജ് എന്നിവരുമായി അദ്ദേഹം കൂടിക്കാഴ്ച്ച നടത്തും. അടുത്ത ദിവസം തന്നെ ബംഗളുരുവിലേക്ക് തിരിക്കുന്ന അദ്ദേഹം രണ്ടു ദിവസം അവിടെ തങ്ങിയ ശേഷമായിരിക്കും കൊച്ചിയിലെത്തുക.

18 മാസം മുന്‍പാണ് ഫാ. ടോം ഉഴുന്നാലിലിനെ ഭീകരര്‍ തട്ടിക്കൊണ്ടുപോയത്. മദര്‍ തെരേസ രൂപംകൊടുത്ത 'ഉപവിയുടെ സഹോദരിമാര്‍' (മിഷനറീസ് ഓഫ് ചാരിറ്റി) സന്ന്യാസിനീ സമൂഹം യമനിലെ ഏദനില്‍ നടത്തിയിരുന്ന വൃദ്ധസദനം ആക്രമിച്ചാണു 2016 മാര്‍ച്ച് നാലിനു ഭീകരര്‍ ഫാ. ടോമിനെ തട്ടിക്കൊണ്ടുപോയത്. നാലു കന്യാസ്ത്രീകള്‍, ആറ് എത്യോപ്യക്കാര്‍, ആറ് യമന്‍കാര്‍ എന്നിവരെ വധിച്ച ശേഷമായിരുന്നു ഇത്. ഒമാന്‍ ഭരണാധികാരി സുല്‍ത്താന്‍ ഖാബൂസ് ബിന്‍ സഈദിന്റെ നിര്‍ദേശത്തെ തുടര്‍ന്ന് ഒമാന്‍ വിദേശകാര്യ മന്ത്രാലയം ഇടപെട്ടാണ് ഉഴുന്നാലിലിന്റെ മോചനം സാധ്യമാക്കിയ