കോഴിക്കോട്: സംസ്ഥാനത്തെ ഏറ്റവും വലിയ സംരംഭക സമ്മേളനമായ ടൈകോണ്‍ കേരളയുടെ ആറാമത് സമ്മേളനം നവംബര്‍ 10,11 തിയതികളില്‍ കൊച്ചി ലേ മെറിഡിയന്‍ കണ്‍വന്‍ഷന്‍ സെന്ററില്‍ നടക്കും.സംരംഭകത്വം പ്രോത്സാഹിപ്പിക്കുന്നതിനുള്ള ആഗോള സംഘടനയായ ടൈയുടെ കേരളഘടകമായ ടൈകേരളയാണ് സമ്മേളനത്തിന്റെ സംഘാടകര്‍.
കേരളത്തിനകത്തും പുറത്തും നിന്നുമായി ആയിരത്തിലധികം യുവ സംരംഭകരും പ്രതിനിധികളും സമ്മേളനത്തില്‍ പങ്കെടുക്കും.മെന്ററിങ്, നെറ്റ് വര്‍ക്കിങ്,എജ്യുക്കേഷന്‍, ഇന്‍ക്യുബേറ്റിങ്, ഫണ്ടിങ് എന്നീ മാര്‍ഗങ്ങളിലൂടെ യുവജനങ്ങള്‍ക്കും വിദ്യാര്‍ഥികള്‍ക്കും വ്യക്തമായ ധാരണ നല്‍കി യുവസംരംഭകരെ വളര്‍ത്തിയെടുക്കുക എന്നതാണ് സമ്മേളനം ലക്ഷ്യമിടുന്നതെന്ന് ടൈകേരള എക്‌സിക്യുട്ടീവ് ഡയരക്ടര്‍ വിങ് കമാന്‍ഡര്‍ കെ.ചന്ദ്രശേഖരന്‍ വാര്‍ത്താസമ്മേളനത്തില്‍ പറഞ്ഞു.
റോഷന്‍ കൈനടി,കെ.എ ജോസഫ്, ആനന്ദമണി എന്നിവരും പങ്കെടുത്തു.