മുംബൈ: ഇന്ത്യ ഹിന്ദുക്കളുടെ രാജ്യമാണെന്നും അതുകൊണ്ട് ഹിന്ദുക്കള്‍ക്ക് രാജ്യത്ത് പ്രഥമപരിഗണന ലഭിക്കേണ്ടതുണ്ടെന്നും വ്യക്തമാക്കി ശിവസേനയുടെ മതവിദ്വേഷ നടപടി. പാര്‍ട്ടിയുടെ മുഖപത്രമായ സാമ്‌നയിലാണ് ഇത്തരത്തിലൊരു വിവാദ പരാമര്‍ശം വന്നത്.
ഇന്ത്യയില്‍ പ്രഥമസ്ഥാനം ഹിന്ദുക്കള്‍ക്കാണെന്നും അതിനുശേഷമേ മറ്റു മതസ്ഥരുടെ കാര്യങ്ങള്‍ വരൂ എന്നും മുഖപത്രത്തില്‍ പറയുന്നു.
അന്‍പതിലധികം രാജ്യങ്ങളില്‍ മുസ്‌ലിംകളുണ്ട്. അമേരിക്ക, യൂറോപ്പ് പോലുള്ള രാജ്യങ്ങളില്‍ ക്രൈസ്തവരുമുണ്ട്. ബുദ്ധമതക്കാര്‍ക്ക് ചൈന, ജപ്പാന്‍, ശ്രീലങ്ക, മ്യാന്‍മാര്‍ പോലുള്ള രാജ്യങ്ങളുണ്ട്. ഇന്ത്യയല്ലാതെ മറ്റൊരു രാജ്യത്തും ഹിന്ദുക്കളില്ലെന്നാണ് സാമ്‌ന പറയുന്നത്.
ഒരു രാജ്യത്തിനോ പാര്‍ട്ടിക്കോ രാജ്യത്തെ മഹത്തരമാക്കാന്‍ കഴിയില്ലെന്നും ശിവസേന പറയുന്നു.