മുക്കം: ഗെയില്‍ പൈപ്പ്‌ലൈന്‍ നിര്‍മാണ പ്രവര്‍ത്തനങ്ങള്‍ നിര്‍ത്തിവയ്ക്കാതെ ചര്‍ച്ചയ്ക്കില്ലെന്ന് ഗെയില്‍ സമരസമിതി അറിയിച്ചു. നവംബര്‍ ആറിന് കലക്റ്ററേറ്റില്‍ വ്യവസായ മന്ത്രി ഗെയില്‍ സമരക്കാരെ ചര്‍ച്ചയ്ക്ക് ക്ഷണിച്ചിരുന്നു.

നിലവില്‍ എരഞ്ഞിമാവിലും മറ്റും നടക്കുന്ന നിര്‍മാണ പ്രവൃത്തികള്‍ പൂര്‍ണമായും നിര്‍ത്തിവയ്ക്കാതെ ചര്‍ച്ചയ്ക്കില്ലെന്നാണ് ഗെയില്‍ സമരസമിതിയുടെ തീരുമാനമെന്ന് ഭാരവാഹികള്‍ അറിയിച്ചു.

അതേസമയം, സര്‍ക്കാര്‍ നിശ്ചയിക്കുന്ന ഭൂവിലയുടെ 10 ശതമാനം നഷ്ടപരിഹാരം നല്‍കാമെന്ന് ഗെയില്‍ ഡെപ്യൂട്ടി ജനറല്‍ മാനേജര്‍ അറിയിച്ചു.

ഇതനുസരിച്ച് നിലവിലെ നഷ്ടപരിഹാര തുക വര്‍ധിക്കുമെന്നും ഗെയില്‍ അധികൃതര്‍ പറഞ്ഞു. ഇന്നു ഉച്ചയ്ക്കു ശേഷം സ്ഥലം എം.എല്‍.എ ജനപ്രതിനിധികളുമായും ഗെയില്‍ അധികൃതരുമായി ചര്‍ച്ച നടത്തിയിരുന്നു. ഇതിനു ശേഷമാണ് ഗെയില്‍ ഉദ്യോഗസ്ഥര്‍ തീരുമാനറിയിച്ചത്.