ആലുവ: നഗരസഭ കുടുംബശ്രീയുടെ പതിനെട്ടാമാത് വാര്‍ഷികാഘോഷം ആലുവ മഹാത്മ ഗാന്ധി ടൗണ്‍ ഹാളില്‍ നടന്നു. അന്‍വര്‍ സാദത്ത് എം.എല്‍.എ ഉദ്ഘാടനം ചെയ്തു. നഗരസഭ ചെയര്‍പേഴ്‌സണ്‍ ലിസി എബ്രാഹം അധ്യക്ഷത വഹിച്ചു. ചലച്ചിത്ര താരം രഹ്‌ന നവാസ് മുഖ്യാതിഥിയായിരുന്നു.
വൈസ് ചെയര്‍പേഴ്‌സണ്‍ സി ഓമന,സ്ഥിരം സമിതി അധ്യക്ഷരായ പി.എം മൂസാക്കുട്ടി, ലോലിത ശിവദാസന്‍, ടിമ്മി ടീച്ചര്‍, ഓമന ഹരി, കൗണ്‍സിലര്‍മാരായ മിനി ബൈജു, ലളിത ഗണേശന്‍, അംബിക ശിവദാസന്‍ എന്നിവര്‍ സംസാരിച്ചു. സി.ഡി.എസ് മെമ്പര്‍ സെക്രട്ടറി അഖില്‍ ജിഷ്ണു റിപ്പോര്‍ട്ട് അവതരിപ്പിച്ചു.
ക്ഷേമകാര്യ സ്റ്റാന്റിങ്ങ് കമ്മിറ്റി ചെയര്‍മാന്‍ വി.ചന്ദ്രന്‍ സ്വാഗതവും സി.ഡി.എസ് ചെയര്‍പേഴ്‌സണ്‍ ശോഭ ഓസ് വിന്‍ നന്ദിയും രേഖപ്പെടുത്തി. എസ്.എസ്.എല്‍. സി, പ്ല്‌സ്ടു പരീക്ഷകളില്‍ ഉന്നത വിജയം നേടിയവരെ ആദരിച്ചു.
രോഗ ബാധിതരായ അംഗങ്ങള്‍ക്കുള്ള ധനസഹായ വിതരണവും ചടങ്ങില്‍ നടന്നു.