പത്തനംതിട്ട: പി.സി ജോര്‍ജിനെ കടുത്ത ഭാഷയില്‍ വിമര്‍ശിച്ച് എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. കേരള രാഷ്ട്രീയം കണ്ട ഏറ്റവും വലിയ ദരിദ്രവാസിയാണ് പി.സി ജോര്‍ജെന്നും, ഏങ്ങും ഗതികിട്ടാതെയാണ് പി.സി ഒടുവില്‍ ബിജെപിയിലെത്തിയെതെന്നുമാണ് വെള്ളാപ്പള്ളിയുടെ വിമര്‍ശനം.

'പി.സി ജോര്‍ജിനെ സ്ഥാനാര്‍ഥിയാക്കാന്‍ തലയില്‍ ജനവാസമുള്ള ആരും തയ്യാറാകില്ലെന്നും കേരള രാഷ്ട്രീയം കണ്ട ഏറ്റവും വലിയ ദരിദ്രവാസിയാണെന്നും വെള്ളാപ്പള്ളി പറഞ്ഞു. എങ്ങും ഗതികിട്ടാതെ വന്നപ്പോഴാണ് ജോര്‍ജ് ബി.ജെ.പിയില്‍ ചേര്‍ന്നത്. ജോര്‍ജിനെ കേരളത്തില്‍ ആരും വിശ്വസിക്കി,' വെള്ളാപ്പള്ളി പറഞ്ഞു.

'തെരഞ്ഞെടുപ്പില്‍ എവിടെ മത്സരിച്ചാലും പി.സി ജോര്‍ജ് ദയനീയമായി പരാജയപ്പെടും. പി.സി. ജോര്‍ജിന് ആരും വോട്ട് ചെയ്യില്ല. ബി.ജെ.പിക്കാര്‍ പോലും വോട്ട് ചെയ്യുമോ എന്നകാര്യത്തില്‍ സംശയമാണ്,' വെള്ളാപ്പള്ളി കൂട്ടിച്ചേര്‍ത്തു.വി.ഡി സതീശനും കെ.സുധാകരനും ഒരുമിച്ച് സമരാഗ്‌നി യാത്ര നടത്തുന്നത് ഒരുമയില്ലാത്തതുകൊണ്ടാണെന്നും വെള്ളാപ്പള്ളി നടേശന്‍ പറഞ്ഞു. 'ബാക്കിയെല്ലാ പാര്‍ട്ടികളിലും ഒരാളാണ് യാത്ര നയിക്കുന്നത്. രണ്ടാള്‍ യാത്ര നടത്തുന്നതിന് അര്‍ഥം നേതൃത്വം ഒരാളല്ല രണ്ടാളാണെന്നുള്ളതാണ്. നേതൃത്വത്തില്‍ തമ്മില്‍ തല്ലാണിതിലൂടെ വെളി?പ്പെടുന്നതെന്നും വെള്ളാപ്പള്ളി കുറ്റപ്പെടുത്തി.