തൃശ്ശൂര്‍: അതിരപ്പള്ളിയിലെ ആനക്കയത്ത് കാട്ടാന ബസ്സിന് നേരെ പാഞ്ഞടുത്തു. അതിരപ്പിള്ളിയിലെ മലക്കപ്പാറ റൂട്ടിലോടുന്ന സ്വകാര്യ ബസ്സിനു നേരെയായിരുന്നു ആന പാഞ്ഞടുത്തത്. ഉച്ചയോടെയായിരുന്നു സംഭവം. കാടിനുള്ളില്‍ മറഞ്ഞിരുന്ന കാട്ടാനയാണ് ബസ്സിനു നേരെ പാഞ്ഞടുത്തത്. തുടര്‍ന്ന് റോഡില്‍ 15 മിനിറ്റോളം നിലയുറപ്പിച്ച ആനയെ വനം വകുപ്പ് ഉദ്യോഗസ്ഥര്‍ തുരത്തുകയായിരുന്നു. ആനയ്ക്ക് മദപ്പാടുണ്ടെന്ന് വനംവകുപ്പ് ഉദ്യോഗസ്ഥര്‍ സംശയം പ്രകടിപ്പിച്ചിട്ടുണ്ട്. പ്രദേശവാസികളോടും ഇത് വഴി സഞ്ചരിക്കുന്നവരോടും ജാഗരൂകരായിരിക്കുന്നതിന് നിര്‍ദേശം നല്‍കിയിട്ടുണ്ട്.