തലശ്ശേരി: അനാഥരായി തെരുവിലുറങ്ങുന്ന സഹജീവികള്‍ക്കൊപ്പം സ്വാതന്ത്ര്യദിനം ആഘോഷിച്ച് സാമൂഹ്യപ്രവര്‍ത്തകര്‍ മാതൃകയായി.
തലശ്ശേരി റെയില്‍വേ സ്റ്റേഷന്‍, ബസ് സ്റ്റാന്‍ഡ്, കടത്തിണ്ണകള്‍ എന്നിവിടങ്ങളില്‍ രാപ്പാര്‍ക്കുന്ന നിരാലംബര്‍ക്കൊപ്പം സ്വാതന്ത്ര്യദിനത്തിന്റെ മഹത്വം വിളിച്ചോതി പ്രാര്‍ഥന ചാരിറ്റബിള്‍ ട്രസ്റ്റ് പ്രവര്‍ത്തകരാണ് സ്വാതന്ത്ര്യദിനം വേറിട്ട രീതിയില്‍ ആഘോഷിച്ചത്.
തെരുവില്‍ കഴിയുന്ന മുഴുവന്‍ പേരെയും വിളിച്ച് കൂട്ടി അവരുടെ മുടി വെട്ടുകയും കുളിപ്പിക്കുകയും ചെയ്തു. ഇവര്‍ക്ക് പുതുവസ്ത്രങ്ങളും മധുര പലഹാരങ്ങളും നല്‍കി. ട്രസ്റ്റ് പ്രവര്‍ത്തകരായ ബാബു പാറാല്‍, സാദിഖ് പൊന്നാത്ത്, ലെനിന്‍, ജോയല്‍ എന്നിവര്‍ നേതൃത്വം നല്‍കി.