തൂവക്കുന്ന്: സ്വാതന്ത്ര്യസമരത്തില്‍ മുസ്‌ലിംകളുടെ പങ്ക് വിസ്മൃതിയിലാക്കാനുള്ള ബോധപൂര്‍വമുള്ള ശ്രമങ്ങളെ തിരിച്ചറിയണമെന്നും പലകോണുകളില്‍ നിന്നുയര്‍ന്നുവരുന്ന ചരിത്ര വക്രീകരണങ്ങളെ കരുതിയിരിക്കണമെന്നും എസ്.വൈ.എസ് സംസ്ഥാന ഉപാധ്യക്ഷന്‍ നാസര്‍ ഫൈസി കൂടത്തായി പറഞ്ഞു. തൂവക്കുന്ന് യമാനിയ്യ സ്റ്റുഡന്റ്‌സ് അസോസിയേഷന്‍ സംഘടിപ്പിച്ച ഫ്രീഡം ഹെറാള്‍ഡ് സ്വാതന്ത്ര്യദിന സംഗമ മാഗസിന്‍ പ്രകാശനചടങ്ങില്‍ മുഖ്യപ്രഭാഷണം നിര്‍വഹിക്കുകയായിരുന്നു അദ്ദേഹം. യമാനിയ്യ പബ്ലിഷിങ് സെല്‍ പുറത്തിറക്കിയ നിലാവു പെയ്യുന്നിടം മാഗസിന്‍ മാനേജര്‍ക്ക് നല്‍കി നാസര്‍ഫൈസി കൂടത്തായി പ്രകാശനം ചെയ്തു. യോഗത്തില്‍ അബ്ദുല്‍ ഗഫാര്‍ ഹുദവി അധ്യക്ഷനായി. ആര്‍.വി അബൂബക്കര്‍ യമാനി ഉദ്ഘാടനം ചെയ്തു. ഹാഫിള് ശിഹാബുദ്ദീന്‍ മൗലവി, മുഹമ്മദ് സ്വാദിഖ് റഹ്മാനി, അനസ് വാഫി, അസീസ് യമാനി, മുഹമ്മദ് മാസ്റ്റര്‍ തൃപ്പങ്ങോട്ടൂര്‍  പങ്കെടുത്തു.