റിയാദ്: തുര്‍ക്കിയിലെ ഇസ്താംബൂളില്‍ നിന്നും ഖത്തറിലെ ദോഹയിലേക്ക് പറക്കുകയായിരുന്ന ഖത്തര്‍ എയര്‍വെയ്‌സ് പറന്നുയര്‍ന്നു നിമിഷങ്ങള്‍ക്കകം അടിയന്തിരമായി തിരിച്ചിറക്കി. തുര്‍ക്കിയിലെ ഇസ്താംബൂള്‍ വിമാനത്താവളത്തില്‍ നിന്നും പറന്നുയര്‍ന്ന ഉടനെ തന്നെ സാങ്കേതിക തകരാര്‍ കണ്ടെത്തിയതിനെ തുടര്‍ന്നാണ് അടിയന്തിരമായി തിരിച്ചിറക്കിയതെന്നു അസോസിയേറ്റഡ് പ്രസ് റിപ്പോര്‍ട്ട് ചെയ്തു.

എന്‍ജിന്‍ ഭാഗത്തു നിന്നും വന്‍ തോതില്‍ തീ കണ്ടതായി ദൃസാക്ഷികളെ ഉദ്ധരിച്ചു ന്യൂസ് ഏജന്‍സികള്‍ റിപ്പോട്ട് ചെയ്തിട്ടുണ്ട്. ഖത്തര്‍ എയര്‍ വെയ്‌സിന്റെ എയര്‍ ബസ്സ് A330 വിമാനമാണ് തിരിച്ചിറക്കിയത്. യാത്രക്കാരെല്ലാം സുരക്ഷിതരാണെന്ന് തുര്‍ക്കി വാര്‍ത്താ ഏജന്‍സി അനാദോലു റിപ്പോര്‍ട്ട് ചെയ്തു. എന്നാല്‍ ഖത്തര്‍ എയര്‍ വെയ്‌സ് കൂടുതല്‍ വിശദീകരണം വ്യക്തമാക്കിയിട്ടില്ല. മിഡില്‍ ഈസ്റ്റിലെ മൂന്നാമത്തെ വലുതും സുരക്ഷിത്വവും നല്‍കുന്ന വിമാനമാണ് ഖത്തര്‍ എയര്‍വെയ്‌സ്.