റിയാദ്: സഊദി അറേബ്യയിലെ അന്താരാഷ്ട്ര യാത്രാസര്‍വീസുകള്‍ പപുനഃരാരംഭിക്കല്‍ മെയ് 17 ലേക്ക് നീട്ടി വെച്ചു. ആഭ്യന്തര മന്ത്രാലയമാണ് ഇക്കാര്യം അറിയിച്ചത്. നേരത്തെ മാര്‍ച്ച് 31 മുതൽ വിമാന സർവ്വീസ് സാധാരണ നിലയിലേക്ക് ആകുമെന്ന് അറിയിച്ചിരുന്നു. അതാണ് വീണ്ടും നീട്ടിയത്. 

    വിവിധ രാജ്യങ്ങളില്‍ കൊവിഡ് വ്യാപനം രൂക്ഷമായതിനെ തുടര്‍ന്നാണ് തീരുമാനം മാറ്റിയത്. മെയ് 17ന് തിങ്കളാഴ്ച രാത്രി ഒരു മണി മുതലായിരിക്കും അന്താരാഷ്ട്ര സര്‍വീസ് വിലക്ക് നീങ്ങുകയെന്നാണ് ആഭ്യന്തരമന്ത്രാലയം അറിയിച്ചിരിക്കുന്നത്.