ആലപ്പുഴ: അഴിമതിക്കു വേണ്ടിയാണ് കഴിഞ്ഞ യു.ഡി.എഫ് സര്‍ക്കാര്‍ ഹരിപ്പാട് ഉള്‍പ്പെടെ  മെഡിക്കല്‍കോളജ് പദ്ധതികള്‍ പ്രഖ്യാപിച്ചതെന്ന് വിജിലന്‍സ് ഡയറക്ടര്‍ ജേക്കബ് തോമസ്. ഹരിപ്പാട്, വയനാട്, പാലക്കാട്, ഇടുക്കി മെഡിക്കല്‍കോളജുകള്‍  സംബന്ധിച്ച ആക്ഷേപങ്ങള്‍ പരിശോധിച്ച ശേഷമാണ് ജേക്കബ് തോമസിന്റെ പ്രതികരണം. ആരോഗ്യ സംരക്ഷണത്തിന്റെ മറവില്‍ അഴിമതിക്കാണ് കളമൊരുക്കിയതെന്നാണ്  വിജിലന്‍സ് ഡയറക്ടര്‍ വെളിപ്പെടുത്തിയത്. ആലപ്പുഴ വിജിലന്‍സ്  ഒഫിസില്‍ ഉദ്യോഗസ്ഥരുടെ യോഗത്തില്‍ പങ്കെടുത്ത ശേഷം മാധ്യമങ്ങളോട്  സംസാരിക്കുകയായിരുന്നു അദ്ദേഹം.