ബ്രസൽസ്
റഷ്യ ഉക്രൈൻ അതിർത്തിയിൽ നിന്ന് സൈനികരെ പിൻവലിക്കുന്നുവെന്നത് വിശ്വസിക്കണമെങ്കിൽ തെളിവു വേണമെന്ന് നാറ്റോ.
അവർ അവിടെ സൈനികരുടെ എണ്ണം വർധിപ്പിച്ചുവരുന്നതാണ് ഞങ്ങൾ കാണുന്നത്. കൂടുതൽ സൈനികർ വന്നുകൊണ്ടിരിക്കുകയുമാണ്- നാറ്റോ മേധാവി ജെൻസ് സ്റ്റോൾട്ടെൻബെർഗ് പറഞ്ഞു.
ഉക്രൈനു സമീപം വിന്യസിച്ച ലക്ഷത്തിലേറെ വരുന്ന സൈനികരെ ഭാഗികമായി പിൻവലിച്ചുവരുകയാണെന്ന് കഴിഞ്ഞ ദിവസം റഷ്യ പ്രഖ്യാപിച്ചിരുന്നു.
കഴിഞ്ഞ ദിവസം റഷ്യൻ വിദേശകാര്യമന്ത്രി സെർജി ലവ്റോവുമായി സംസാരിച്ച യു.എസ് വിദേശകാര്യ സെക്രട്ടറി ആൻ്റണി ബ്ലിങ്കൻ റഷ്യ സേനാ പിന്മാറ്റം നടത്തുന്നതിന് വിശ്വസനീയമായ തെളിവു വേണമെന്ന് ആവശ്യപ്പെട്ടിരുന്നു.
റഷ്യ സൈനിക സംഘത്തെ പിൻവലിച്ചുവെന്നതിന് തെളിവില്ലെന്ന് യു.എസ് പ്രസിഡൻ്റ് ജോ ബൈഡൻ പറഞ്ഞു.