തൊടുപുഴ: തെരഞ്ഞെടുപ്പ് പരാജയത്തില്‍ കോണ്‍ഗ്രസിനെതിരേ കേരള കോണ്‍ഗ്രസ് ചെയര്‍മാന്‍ പി.ജെ ജോസഫ്.
ഗ്രൂപ്പിന് അതീതമായി പ്രവര്‍ത്തിക്കാന്‍ കോണ്‍ഗ്രസിന് കഴിയാത്തതാണ് പ്രശ്‌നമെന്ന് അദ്ദേഹം പറഞ്ഞു. ഘടകകക്ഷികളെ കുറ്റംപറഞ്ഞിട്ട് കാര്യമില്ല. കുറവുകള്‍ നികത്തി കോണ്‍ഗ്രസ് മുന്നോട്ടു പോകണം. കോണ്‍ഗ്രസിലെ തര്‍ക്കങ്ങള്‍ക്ക് പ്രസക്തിയില്ല. ഇടതു തരംഗത്തിലാണ് യു.ഡി.എഫ് തോറ്റത്.

കോണ്‍ഗ്രസ് മത്സരിച്ച 95 ല്‍ 21 സീറ്റില്‍ മാത്രമേ വിജയിക്കാനായുള്ളൂ. കേന്ദ്ര നേതാക്കള്‍ എത്തിയിട്ടും മുന്നേറ്റമുണ്ടാക്കാനായില്ല. ചിഹ്നമല്ല കേരള കോണ്‍ഗ്രസിന്റെ തോല്‍വിക്ക് കാരണം. റിബല്‍ സ്ഥാനാര്‍ഥി മത്സരിച്ചതാണ് ഏറ്റുമാനൂരില്‍ തോല്‍ക്കാന്‍ കാരണമെന്നും ജോസഫ് പറഞ്ഞു.