ജിദ്ദ: സഊദിയില്‍ മലയാളികള്‍ സഞ്ചരിച്ച കാര്‍ മറിഞ്ഞ് യുവതി മരിച്ചു. മലപ്പുറം സ്വദേശി ഹംസയുടെ ഭാര്യ ഖൈറുന്നീസ (34) ആണ് മരിച്ചത്. നാല് പേര്‍ക്ക് പരിക്കേല്‍ക്കുകയും ചെയ്തു. വിസ പുതുക്കാന്‍ വേണ്ടി ബഹ്‌റൈനില്‍ പോയി മടങ്ങവെ ഇന്ന് പുലര്‍ച്ചെയാണ് അപകടം സംഭവിച്ചത്.

ഖൈറുന്നിസയുടെ മൂന്ന്​ വയസുള്ള മകൻ മുഹമ്മദ്​ റൈഹാൻ, മലപ്പുറം കരുവാരക്കുണ്ട്​ സ്വദേശി മുജീബ്, ഭാര്യ, ഇവരുടെ കുട്ടി എന്നിവർക്ക് പരിക്കേറ്റു​. ഖൈറുന്നിസയുടെ ഭർത്താവ്​ ഹംസ പരിക്കുകളില്ലാതെ രക്ഷപ്പെട്ടു.

വിസ പുതുക്കി മടങ്ങുന്നതിനിടെ അൽഖർജ്​ എത്തുന്നതിന്​ 150 കിലോമീറ്റർ അകലെവെച്ച്​ ഇവർ സഞ്ചരിച്ച കാർ നിയന്ത്രണം വിട്ട്​ മറിഞ്ഞായിരുന്നു അപകടം.