ന്യൂഡല്‍ഹി: ലോകത്തെ ഏറ്റവും മോശം വായുനിലവാരമുള്ള ലോകരാജ്യങ്ങളുടെ പട്ടികയില്‍ എട്ടാം സ്ഥാനത്താണ് ഇന്ത്യ. ഏറ്റവും മോശം നിലവാരം പുലര്‍ത്തുന്ന മലിനമായ 50 നഗരങ്ങളില്‍ 39 ഉം ഇന്ത്യയിലാണെന്നതാണ് മറ്റൊരു ശ്രദ്ധേയമായ കാര്യമാണ്. സ്വിസ് എയര്‍ക്വാളിറ്റി ടെക്‌നോളജി കമ്പനിയായ ഐക്യുഎയറിന്റെ വാര്‍ഷിക റിപ്പോര്‍ട്ടിലാണ് ഇക്കാര്യങ്ങള്‍ അടയാളപ്പെടുത്തുന്നത്.പി.എം.2.5 അടിസ്ഥാമാക്കിയുള്ളതാണ് പട്ടിക. 131 രാജ്യങ്ങളില്‍ നിന്നുള്ള ഡാറ്റകളാണ് ഇതിനായി ഉപയോഗിച്ചിട്ടുള്ളത്.

 ചാഡ്, ഇറാഖ്,പാകിസ്താന്‍, ബഹ്‌റൈന്‍, ബംഗ്ലാദേശ്, ബുര്‍ക്കിന ഫാസോ, കുവൈത്ത് എന്നിവയാണ് ഇന്ത്യക്ക് മുന്നിലുള്ള ഏറ്റവും മോശം വായുനിലവാരമുള്ള രാജ്യങ്ങള്‍.

39 Of World's 50 Most Polluted Cities Are In India: Report https://t.co/7FNAolnFmc pic.twitter.com/X2z5VNsSDn

— NDTV (@ndtv) March 14, 2023

മലിനീകരണം കൂടുതലുള്ള 7300 നഗരങ്ങളില്‍ ഇന്ത്യന്‍ നഗരങ്ങള്‍ മുന്നിലെത്തി നില്‍ക്കുന്നുവെന്നതാണ് ഗൗരവം. പിഎം 2.5 മലിനീകരണത്തിന്റെ 2035 ശതമാനവും വാഹനങ്ങള്‍ കാരണമാകുന്നുവെന്ന് റിപ്പോര്‍ട്ട് പറയുന്നു. വ്യാവസായിക യൂണിറ്റുകള്‍, കല്‍ക്കരി ഉപയോഗിച്ച് പ്രവര്‍ത്തിക്കുന്ന പവര്‍ പ്ലാന്റുകള്‍, ജൈവാവശിഷ്ടങ്ങള്‍ കത്തിക്കല്‍ എന്നിവയാണ് ഇന്ത്യയിലെ മലിനീകരണത്തിന്റെ മറ്റ് ഉറവിടങ്ങള്‍.

പാകിസ്താനിലെ ലഹോറും ചൈനയിലെ ഹോടനും ഏറ്റവും മലിനമായ നഗരങ്ങളാണ്. അത് കഴിഞ്ഞാല്‍ മൂന്നമാതായി രാജസ്ഥാനിലെ ഭിവാദിയും നാലമതായി ഡല്‍ഹിയും ആണെന്ന് റിപ്പോര്‍ട്ടില്‍ പറയുന്നു. ആദ്യ പത്തില്‍ ആറ് ഇന്ത്യന്‍ നഗരങ്ങള്‍ ഇടംപിടിച്ചിട്ടുണ്ട്.